Բացի թանգարանային հավաքածուներից Մ. Սարյանի աշխատանքները գտնվում են անձնական հավաքածուներում և մասնավոր պատկերասրահներում՝ հիմնականում Ռուսաստանի, Եվորպայի և Ամերիկայի տարբեր քաղաքներում:
Մասնավոր հավաքածուների շարքում առանձնահատուկ տեղ ունի Սարյան ընտանիքի հավաքածուն, որը կազմված է ժառանգաբար փոխանցված գեղանկարչական և գրաֆիկական աշխատանքներից: Այս հավաքածուի մեծ մասը մշտապես եղել է հասանելի և ներկայացվել է տուն-թանգարանի թե՛ մշտական, թե՛ ժամանակավոր ցուցադրություններում: