Ծրագիրը ծանոթացնում է Մարտիրոս և Ղազարոս Սարյանների գեղանկարչական և երաժշտական «Պաննո. Հայաստան» ստեղծագործությունների հետ:
Նախատեսված է կրտսեր և միջին դպրոցի (6-14 տարեկան) աշակերտների համար: Ընդգրկում է Մ. Սարյանի «Պաննո. Հայաստան» կտավի վերլուծություն, ապա Ղ. Սարյանի «Հայաստան սիմֆոնիկ պաննո» ստեղծագործության հատվածների ունկնդրում: Նաև ընդհանուր ծանոթացում նկարչական պարագաներին՝ որպես նկարչի ստեղծագործական արտահայտչամիջոցների, ապա սիմֆոնիկ նվագախմբի երաժշտական գործիքների կազմին՝ որպես երաժշտի ստեղծագործական արտահայտչամիջոցների: Այնուհետև երեխաներին առաջարկվում է Ղ. Սարյանի երաժշտության ներքո՝ դիտելով Մ. Սարյանի մեծադիր կտավը, ստեղծել սեփական Հայաստանի պատկերը:

Մարտիրոս Սարյանի տուն-թանգարան Ղազարոս և Արաքսի Սարյանների անվան դահլիճ, IV հարկ:

Առաջին հայերեն դասախոսությունը նվիրված է Մ. Սարյանի վաղ շրջանի արվեստին, «Հեքիաթներ և երազներ» (1903-1908թթ.) շարքին, 1909 թվականի աշխատանքներին:

Տուն-թանգարանի գլխավոր ֆոնդապահ, Վարպետի թոռնուհի Սոֆյա Սարյանը անցկացրեց դասախոսությունների շարք, նվիրված նկարչի արվեսի տարբեր շրջաններին: